بلوچ آجوئی لشکر ( بی ایل اے ) ءِ جارکش آزاد ءَ ماں رسانکدر ءَ وتی شنگ کرتگیں درشانے ءَ گوشتگ کہ 27 مارچ ءِ بیگاہ ءَ مئے سرمچاراں دکی ناسر کول کمپنی ءَ ریاستی پلہ مرزیں سلاہ بندیں کارمندانی ساڑی بوگ ءِ ھال رستگ، سرمچاراں وت ءَ سر کرتگ ءُ سلاہ بند انگر کرتگ اَنت۔ دو نیمگاں برجاھیں میڑ ءِ میان ءَ پہ ریاستی پلہ مرزیں کارمندانی کمک ءَ زورگریں پاکستانی لشکر سر بوتگ، سرمچاراں آیان ءَ گوں مزنیں سلاھاں نشانگ کرتگ۔
آئی ءَ گوشتگ کہ اُرش ءِ آسر ءَ زورگریں لشکر ءِ یک کارمندے جاھی مرتگ ءُ دو ٹپی بوتگ۔
جارکش ءَ گوشتگ کہ ھمے ھندانی مردماں کڈن کن ایں کہ آ ریاستی پلہ مرزیں سلاہ بندیں کارمندانی گون ءَ ھر وڑیں نزیکی ءَ وت ءَ گستا بدار اَنت ءُ چہ آیاں دور بہ بنت۔ اگاں کجام مردم پہ زانت پاکستانی ادارھانی جوڑ کرتگیں سلاہ بندیں ٹولی یا کشندہ ٹولی ءِ نزیک ءَ گندگ بوتگ گڑا آئی بگیری ءَ کاروائی کنگ بیت۔
بی ایل اے ءِ جارکش آزاد ءَ گوشتگ کہ مئے اے وڑیں اُرش داں بلوچستان ءِ آجوئی ءَ برجاہ بنت۔
