![](https://zrumbesh.com/wp-content/uploads/2024/03/1000275197-1024x434.jpg)
مستونگ: زورگریں پاکستانی لشکر ءِ دست ءَ زور بیگواہ کنگ بوتگیں امیر ھمزہ ء مزار ھان ءِ کھول ءِ نیمگ ءَ زھرشانی ءَ جنگل دوراھی ءَ شال کراچی شھدگ بند کنگ بوتگ۔
زھرشانی ءَ ھندی مردماں بازیں کچے ءَ بھر زرتگ۔ دگ ءِ بند بوگ ءِ سوب ءَ دوئیں نیمگاں گاڑیانی مزنیں کتار اوشتاتگ اَنت۔
زور بیگواھیں امیر ھمزہ ءِ کھول ءَ گوں سرکار ءَ لوٹ کرتگ ءُ گوشتگ کہ امیر ھمزہ زوتاں چہ زوت آجو کنگ بہ بیت، آئی سر ءَ چونیں بھتامے ھست گڑا آمیدگس ءَ پیش کنگ بہ بیت۔
یات بہ بہ اِت زور بیگواھیں امیر ھمزہ مستونگ ءِ ھند پڑنگ آباد ءِ جاہ منند اِنت کہ پرندوشی سی ٹی ڈی ءُ چیریں ادارھانی کارمنداں آئی گس ءَ بیڑ برتگ ءُ آوار جتگ۔
لشکر ءِ بیڑ برگ ءِ میان ءَ گوں زھگ ءُ جنین ءُ آدگہ مردماں زوراکی کرتگ ءُ موبائلاں ھوار گس ءِ آدگہ گرانھادیں ساماں ھم گوں وت برتگ اَنت۔