گْوادر: چہ 2013 ءَ پاکستانی لشکر ءِ دست ءَ زور بیگواہ کنگ بوتگیں بولان کریم ءِ گھار ھاجرہ ءَ وتی تامربندے شنگ کرتگ ءُ گوشتگ کہ چہ پانزدہ سال ءَ زور بیگواہ کنگ بوتگیں کبیر، اتااللہ ءُ مشتاک ءِ کھول گوں اے درداں گوزگ ءَ اَنت ما گوستگیں یازدہ سال اِنت کہ دیستگ اَنت۔
آئی ءَ گوشتگ کہ 27 مارچ ءَ 2009 ءَ چہ ھزدار ءَ زوربیگواہ کنگ بوتگیں ورنایانی آجوئی ءَ بلوچ وائس پار جسٹس ءِ نیمگ ءَ 27 مارچ 2024 ءَ شپ ءِ ھپت ءَ داں دوازدہ ءَ ایکس ءَ کمپینے برجم دارگ بیت۔
آئی گوں درسیں بھرگاں سیادی داروکیں مردماں اے کمپین ءَ بھر زورگ ءِ لوٹ کرتگ ءُ گوشتگ کہ کمپین ءَ بھر بزور ات ءُ پہ زور بیگواھیں کبیر، مشتاک ءُ اتا اللہ ءِ آجوئی ءَ توار چست پہ کن اِت۔
