جینوا ءَ اکوام متھدہ ءِ مردمی ھکانی کونسل ءِ پنجاہ ءُ پنچمی نیاد ءِ درگت ءَ بلوچ راجی زرمبشت ( بی این ایم ) ءِ نیمگ ءَ میان استمانی بلوچستان کانپریس ”بلوچانی گون ءَ ناھکی”ءِ نام ءَ میان استمان ءِ دلگوش ءُ زمہ وریانی پژدر ءَ بلوچستان ءَ پہ سیاسی ءُ مردمی ھکانی جھد ءَ 11 مارچ 2024 ءَ جینوا پریس کلب ءَ کانپریسے برجم دارگ بوتگ۔
کانپرنس ءَ جھان ءِ نامداریں مردماں بھر زرتگ ءُ وتی ھیال درشان کرتگ اَنت ءُ گوں بلوچ راجی زرمبشت ءَ ھمدردی کنگ ءِ دلجمی داتگ۔
کانپریس ءَ مردمی ھکانی کارکن نور مریم کنور ءَ پاکستان ءَ چکچینی ءُ مزھبی ناشرکارانی درگت ءَ تران کرتگ ءُ وتی ھیال درشان کرتگ اَنت۔
کانپریس ءَ بلوچ راجی زرمبشت ( بی این ایم ) ءِ بنجاھی سرکماش ڈاکٹر نسیم، مردمی ھکانی کارکن ءُ بی این ایم ءِ بنجاھی پتر ءِ باسک ھاتم، سندھودیش ءِ آجوئی ءِ وکیل ءُ ورلڈسندھی کانگریس ءِ کارگشاد ڈاکٹر لکھو لوھانہ،اپسالا زانشتجاہ ءِ پروپیسر کرینہ جھانی، ڈاکٹر نسیر دشتی، ڈاکٹر آئشہ سدیکی،بی ایم ءِ دری کارانی رھوتدار نیاز زھری ءَ بلوچستان ءَ پاکستانی لشکر ءِ زوراکی، زوریں بیگواھی ءُ مردمی ھکانی لگتمالی ءِ سر ءَ تران کرتگ۔
اے کانپرنس ءَ بلوچ راجی زرمبشت ( بی این ایم ) ءِ دری ڈیھانی جتائیں تکانی باسکاں بازیں کچے ءَ بھر بھر زرتگ۔
