سند: ھیدر آباد ءَ پاکستانی لشکر ءِ نیمگ ءَ مردمانی ڈگارانی دستیگ کنگ ءُ سندی راجدوستیں سیاسی کارکنانی زوریں بیگواھی ءِ بگیری ءَ سندھو دیش الائنس ءِ زھرشانی ءِ سر ءَ سند پولیس ءَ بیڑ برتگ ءُزھرشانی کنوکیں مردم لٹ شاپ کرتگ اَنت۔
بنشون ءِ رد ءَ پولیس ءَ بیڑ برگ ءِ میان ءَ باز مردم لٹ شاپ ءُ دزگیر کرتگ کہ لٹ شاپ بوتگیں مردمانی تہ ءَجنین ھم ھوار اَنت۔
سندھودیش الائنس ءِ رد ءَ سند ءِ جتائیں ھند ءُ دمگاں پاکستانی لشکر ءَ مردمانی ڈگار دستیگ کرتگ اَنت، باز راجدوستیں سیاسی کارکن دزگیر کنگ ءَ پد زور بیگواہ کنگ بوتگ اَنت۔ بازیں زور بیگواھیں مردم دیم ءَ آرگ بوتگ اَنت کہ آیانی سر ءَ دروگیں کیس جنگ بوتگ ءُ ناھک ءَ زنداناں بندیگ اَنت۔
