کولواہ: زورگریں پاکستانی لشکر ءَ شھید شوکت پنام کماش دلدار ءِ گُڈی وابجاہ ءَ شک ءِ مک کنگ ءَ نہ اشتگ۔
اھوالکار ءِ رد ءَ شھید شوکت پنام کماش دلدار ءِ کھول آئی شھیدی ءِ چل ءِ درگت ءَ آئی کبر ءِ سر ءَ شتگ ءُ ستک شانی ندر کرتگ، کبر ءِ سر ءَ پل شانتگ ءُ شک مک کرتگ۔ زورگریں پاکستانی لشکر ءَ شھید ءِ کھول ءَ آئی کبر ءِ سر ءَ شک مک کنگ ءَ نہ اشتگ ءُ کبر ءِ سر ءِ شک دور کرتگ۔
شھید شوکت پنام کماش دلدار ء الی مراد سگک کولواہ ءِ جھمنند اِنت۔ 31 جنوری ءَ وتگڑیں پاکستان ءِ گچینکاری ءِ بگیری ءَ بلوچستان راجی آجوئی سنگر ( براس ) کاروائیانی درچ ءَ آواران سیاہ گزی ءَ پاکستانی لشکر ءِ سر ءَ اُرش ءِ میان ءَ اناگتیں ویلے ءَ شھید بوتگ۔
بلوچستان راجی آجوئی سنگر ( براس ) ءِ جارکش بلوچ ھان ءِ گوشگ اِنت کہ شھید شوکت پنام کماش دلدار 2014 بلوچستان آجوئی سنگر ( بی ایل ایپ) ءَ ھوار بوتگ۔ یازدھیں سالانی میان ءَ آئی جپاکشی ءُ گوں ایمانداری ءَ جوانیں کردے پیلو کرتگ۔ شھید کماش دلدار بازیں جنگاں براس ءِ کاروائیانی بھر زرتگ ءُ دُژمن تاوان داتگ۔
