![](https://zrumbesh.com/wp-content/uploads/2024/03/بکتیار-1024x576.jpg)
پنجگور: نو سال پیش زورگریں پاکستانی لشکر ءِ دست ءَ زور بیگواہ کنگ بوتگیں ورنا بکتیار ء مھمد الی ءِ ماتءَ وتی زھگ ءِآجوئی ءِ لوٹ کرتگ۔
آئی ءَ گوشتگ کہ بکتیار ء مھمد الی ءَ پاکستانی لشکر ءَ 13 پروی 2015 ءَ آوار جتگ ءُ بیگواہ کرتگ کہ انگت ءَ بیگواہ اِنت، آئی ءِ بارو ءَ کھول ءَ ھچ وڑیں سرپدی دیگ نہ بوتگ ۔
زور بیگواھیں بکتیار ءِ مات ءَ گوں سرکار ءُ مردمی ھکانی ادارھاں لوٹ کرتگ کہ بکتیار ءِ سر ءَ چونیں بھتامے ھست گڑا آمیدگس ءَ پیش کنگ بہ بیت۔
آئی ءَ گوشتگ کہ بکتیار ءِ زوریں بیگواھی ءَ مئے تیوگیں کھول سکا گمیگ اِنت۔
یات بہ بہ اِت کہ بکتیار ءِ مھمد الی ءَ 13 نومبر 2015 ءَ پاکستانی لشکر ءَ پنجگور ءَ چہ پیر امرجان ءِ زیارت ءِ سر ءَ گوں دگہ ھشت مردمانی ھمراھی ءَ آوار جتگ ءُ بیگواہ کرتگ۔ آدگہ مردم جتائیں وھداں یل کنگ بوتگ اَنت بکتیار انگت بیگواہ اِنت۔