گوادر: بلوچ وارڈ ءِ ھار آماچیں مردماں زھرشانی ءَ سید زھور شاہ ھاشمی دگ ءَ ٹائر ماندشتگ ءُ بند کرتگ۔ زھرشانی ءَسیاسی ءُ چاگردی کارکناں بازیں کچے ءَ بھر زرتگ۔
زھرشانی کنوکیں مردمانی گوشگ اِنت کہ گوستگیں روچانی ھور ءُ ھاراں مئے گس مل اتگ اَنت چنچو روچ گوستگ بلے سرکار ءِ نیمگ ءَ گوں ھارآماچیں مردماں ھچ وڑیں کمک کنگ نہ بوتگ، مردم وتی کمک ءَ وت گسانی آپاں کشگ ءَ اَنت۔
آیانی گوشگ اِنت کہ گوادر ءِ دیمروئی ءِ نام ءَ بس ٹاپار جنگ بوتگ بلے پہ گوادر ءِ لس مردماں ھچ وڑیں دیمروئی نیست۔ اد ءَ پہ بنڈ ءِ نام ءَ چونیں زرے آتکگ آ پنڈ وتگڑیں سروگاناں وارتگ اَنت ءُ پہ وت ءَ شریں جاہ بستگ ءُ شریں گاڑیاں سوار اَنت۔ گوادر ءِ نزوریں بھرگ ءِ مردمانی کس سد ءَ نہ اِنت۔
آیاں گوشتگ کہ پہ گوادر ءِ لس مردماں دیمروئی ھمیش اِنت مرچی آپانی تہ ءَ بڈ اِتگ اَنت اگاں کسے کہ کشگ بوتگ گڑا آ کمپانانی چیر ءَ کپتگ اَنت۔
یات بہ بہ اِت کہ گوادر ءَ ترندین ھوراں پد ھمک روچ ھرام آماچیں مردم زھرشانی کنگ ءَ اَنت بلے سرکاری واکدارانی نیمگ ءَ پہ مردمانی کمک ءَ ھچ وڑیں گامگیج زورگ نہ بوتگ۔
