زور بیگواھیں شبیر بلوچ ءِ گھار سیما ءَ دو مارچ ءَ بلوچ دود ءُ ربیدگی روچ ءَ کراچی ءَ زھرشانی روانک کشگ ءِ درگت ءَ وتی تامربندے ماں رسانکدر ءَ شنگ کرتگ ءُ گوشتگ کہ دو مارچ ءَ بازیں مردم بلوچی پُچ ءُ پوشاک گور ءَ کن اَنت ءُ پاگ ءَ سر ءَ بند اَنت کہ ما وتی دود ءُ ربیدگ ءَ رکینگ ءَ آں، پہ بلوچی پچ ءُ پوشاک ءَ تو کدی وتی دود ءُ ربیدگ ءَ رکینت نہ کن ئے۔ تئی زندمان ءُ ھستماں ترس ءِ تہ اِنت جنگ ءُ کشگ ،برگ بوگ ءَ ئے۔ترا وتی دود ءُ ربیدگ باندات رکینگی اِنت گڑا گھگیری المی اِنت۔ پہ یک روچے ءِ پیش دارگ ءَ تو کدی وتی دود ءُ ربیدگ ءَ رکینت نہ کن ئے۔
آئی ءَ گوشتگ کہ دو مارچ ءَ کراچی آرٹ کونسل ءَ بگر داں پریس کلب ءَ ما یک روانکے کشگ ءَ ایں ۔ ما چہ درسیں مھلوک ءَ دزبندی کن ایں کہ اے روانک ءَ بھر بزور اَنت ءُ وتی مات ءُ گھارانی توار جوڑ بہ بنت ءُ مئے ھمراھداری ءَ بہ کن اَنت۔
سیما ءَ گوشتگ کہ تو گھگیری کن ئے وتی دود ءُ ربیدگ ءَ رکینت کن ئے گڑا بیا اِت گھگیری ءَ وتی دود ءُ ربیدگ ءِ رکینگ ء ِ سبوت ءَ بدے اِت۔
