اسلام آباد: زورگریں پاکستانی لشکر ءَ امتیاز نامیں نودربرے ایمبولینس گاڑی ءِ سر ءَ آوار جتگ ءُ بیگواہ کرتگ۔
اھوالکار ءِ رد ءَ زور بیگواھیں نودربر امتیاز ء مھمد آلم ھزدار ءِ ھند نال ءِ جھمنند اِنت کہ پاکستانی لشکر ءَ مرچی روچ ءِ دو ءُ نیم ءَ زانشتجاہ ءِ وابجاہ ءَ ایمبولینس گاڑی ءِ سر ءَ آوار جتگ ءُ بیگواہ کرتگ۔ زور بیگواھیں نودربر امتیاز ایرڈ ایگریکلچر زانشتجاہ راولپنڈی ءِ پوڈسائنس ءَ گریجویشن کرتگ۔
آئی آوار جنگ ءِ وھد ءِ تامربندے ھم رسانکدر ءَ شنگ بوتگ کہ کسے ھمےگوشگ ءَ اِنت ایمولینس گاڑی مئے ھمبل ءَ برگ ءَ اِنت۔ تامربند ءِ تہ ءَ گندگ بیت کہ ایمبولینس گاڑی ءَ نمبر پلیٹ نیست۔
