کیپ: یوکرین ءِ مھتر ولادیمتر زیلنسکی ءَ گوشتگ کہ روس ءِ ارش ءَ پد دو سال ءِ میان ءَ سی ءُ یک ھزار یوکرین ءِ لشکری کارمند مرتگ۔
جھانی رسانکدر ءِ رد ءَ یوکرین ءِ 2024 ءِ پورم ءَ زیلنسکی ءَ تران کرتگ ءُ گوشتگ کہ اے تاوان پہ یوکرین ءَ مزنیں دیمونی یے۔ یوکرین ءِ سر ءَ ارش ءُ دستیگ کنگ ءَ پد دہ ھزارانی کچ ءَ مردماں وتی نگرھیں جان ندر کرتگ اَنت۔ داں جنگ ءِ آسری ءَ درسیں کچ زانگ نہ بوتگ۔
آئی ءَ گوشتگ کہ من نزاناں چنچو مردم جنگ ءُ کشگ بوتگ اَنت، چنچو مردم آزار دیگ بوتگ ءُ چنچو مردم چہ ڈیھ ءَ در پہ در کنگ بوتگ۔
اے اولی رند اِنت کہ یوکرین ءَ 24 پروری ءَ روس ءُ یوکرین ءِ میانءَ جنگ ءِ آسری ءَ وتی مرتگیں لشکری کارمندانی کچ من اتگ۔
