ھزدار: نال ڈل چنال ءَ سھرک ءِ نادراھی ءَ دو زھگ بیران بوتگ ءُ باز مردم نادراہ اِنت۔
ھندی مردمانی گوشگ اِنت کہ جاندراھی تک زوتاں چہ زوت پہ سھرک ءِ گر ءُ دار ءَ گامگیج بزور ایت۔
آیانی گوشگ اِنت کہ اگاں سرکار ءَ پہ نادراھی ءِ گرگ ءُ دار کنگ ءَ گامگیج نہ زرت اے نادراھی گوں تیزی ءَ تیوگیں دمگ ءَ شنگ ایت ءُ پد ءَ گر ءُ دار کنگ نہ بیت ءُ بازیں مردمے تاوان دنت۔ آیاں گوں وتگڑیں سرکار ءَ لوٹ کرتگ کہ پہ سھرک ءِ گر ءُ دار کنگ ءَ زوتاں چہ زوت ڈاکٹر ءُ درمان دیم دیگ بہ بیت۔
