بلوچستان لبریشن پرنٹ (بی ایل ایپ )ءِ جارکش میجر گھرام بلوچ ءَ وتی شنگ کرتگیں درشانے ءَ گوشتگ کہ بی ایل ایپ ءَ شال ءُ تربت ءَ زورگریں پوج ءِ سر ءَ دستی بمب ارش کرتگ ءُ بیسیمگ ءَ سی پیک دگ بستگ۔
آئی ءَ گوشتگ کہ بی ایل ایپ ءِ سرمچاراں دوازدہ دسمبر ءَ آدینگ ءِ روچ ءَ یک ءَ داں شش ءَ بیسیمگ ءِ ھند پتک ءَ سی پیک دگ بستگ ءُ پٹءُ پول کرتگ ءُ کسٹم ءِ دو کارمند دزگیر کرتگ کہ آ اے وھد ءَ گل ءِ جست ءُ پرس کنوکیں ٹولی ءِ کِر ءَ اَنت۔ جست ءُ پرس ءَ پد کارمندانی بابت ءَ پیسلہ کنگ بیت۔
آئی ءَ گوشتگ کہ سرمچاراں دوازدہ دسمبر آدینگ ءِ شپ ءِ نُھ ءَ تربت ءِ ھند آپسر آپدروک ءَ زورگریں پاکستانی پوج ءِ چوکی ءِ سر ءَ دستی بمب ارش کرتگ آ چوکی ءِ تہ ءَ کپتگ۔ ایشی آسر ءَ زورگریں پوج ءَ جانی ءُ مالی تاوان بوتگ۔
آئی ءَ گوشتگ کہ سرمچاراں دگہ یک کاروائی یے ءَ سیزدہ دسمبر ءِ شپ ءَ دو ءَ شال ءِ ھند کمبرانی دگ ءَ کچی بیگ تانہ ءِ دروازگ ءِ دیم ءَ اوشتاتگیں ایپ سی ءِ کارمند گوں دستی بمب ءَ نشانگ کرتگ اَنت۔ ایشی آسر ءَ سے ئیں کارمند ٹپی بوتگ اَنت۔
میجر گھرام بلوچ ءَ درشان ءِ گڈی ءَ کاروائیانی زمہ واری من اتگ ءُ گوشتگ کہ ھمے کول ءَ کن ایں داں بلوچستان ءِ آجوئی ءَ جھد ءَ برجاہ دار ایں۔
