تمپ: زورگریں پاکستانی لشکر ءُ چیریں ادارھانی کارمنداں دو ورنا آوار جتگ ءُ بیگواہ کرتگ۔
اھوالکار ءِ رد ءَ زور بیگواہ کنگ بوتگیں ورنایانی نام الی جان ء موسا ءُ وھید ء رشید اِنت کہ تمپ ءِ میتگ دازن ءِ جھمنند اَنت۔ زورگریں پاکستانی لشکر ءَ دوشی شپ ءِ یک ءَ بیڑ برتگ ءُ الی جان آوار جتگ۔ شپ ءِ دو ءَ بیڑ برتگ ءُ وھید آوار جتگ۔
ھمے وڑ ءَ کیچ ءِ بنجاھی شھر تربت ءَ زورگریں پاکستانی لشکر ءَ ورنایے آوار جتگ ءُ بیگواہ کرتگ۔
بنشون ءِ رد ءَ زور بیگواہ کنگ بوتگیں ورنا ءِ نام کمبر ء تاھر اِنت کہ پنجگور ءِ ھند پروم ءِ جھمنند اِنت۔ زورگریں پاکستانی لشکر ءَ 2 پروری 2024 ءَ چہ میری کلات ءَ سیادانی گِس ءَ آوار جتگ ءُ بیگواہ کرتگ کہ انگت بیگواہ اِنت۔
