اوگان سرکار ءُ تالبان ءِ میان ءَ جنگ بندی ءُ ھست ایں جیڑھانی گیش ءُ گیوار کنگ ءَ گتر ءِ بنجاھی شھر دوھا ءَ دیوانے برجم دارگ بیتگ۔دیوان 17 جولائی ءَ بندات بیتگ ءُ 18 آسر،گُڈی ءَ دیوئیناں گپ ءُ تران ءِ دیم ءَ برگ ءِ سر ءَ تپاک بیتگ اَنت۔
دیوان ءَ پد تالبان ءُ اوگان سرکار ءَ ھواری ءَ وتی شنگ کُرتگیں درشانی ءَ گْوشتگ کہ داں اے جیڑہ گیش ءُ گیوار نہ بیت گپ ءُ تران برجاہ بیت۔ تالبان ءِ جارکش ءَ گتر ءِ ٹی وی چینل الجزیرہ ءَ تران کنان ءَ گْوشتگ کہ دیوان ءِ تہ ءَ جنگ بندی ءِ بابت ءَ ھچ پیمیں گپ نہ بیتگ۔
گپ ءُ تران ءِ سر ءَ چار ءُ گزار کنوکیں گتر ءِ اُگدھدار متلّک الکھتانی ءَ گوشتگ کہ دیوان ءَ لس مردمانی پھریزگ ءِ سر ءَ گپ ءُ تران بیتگ بلے جنگ بندی ءِ بابت ءَ ھچ پیمیں گپ دیم ءَ ایر کنگ نہ بیتگ۔
بنشون:مانیٹرنگ ڈسک/اکس:دامگ
