شال: پہ زور بیگواھیں مردمانی پدجنگ ءَ شال پریس کلب ءِ دیم ءَ برجاھیں وی بی ایم پی ءِ زھرشانی گدان ءَ 5335 روچ سرجم بوتگ۔ شمبے ءِ روچ ءَ جتائیں بھرگاں سیادی داروکیں مردم پہ ھمدردی درشان کنگ ءَ گدان ءَ آتکگ اَنت۔
بیگواھیں بلوچانی توار ( وی بی ایم پی ) ءِ کمک سرکماش ماما کدیر گوں مردماں تران کرتگ ءُ گوشتگ کہ ریاست ءِ ادارھاں بلوچستان ءَ زوراکی ءِ شوندات برجاہ داشتگ اَنت ءُ ھمک روچ پاکستانی چیریں ادارہ ءُ لشکر گساں بیڑ برگ ءُ مردماں زور بیگواہ کنگ ءَ اَنت۔
آئی ءَ گوشتگ کہ زوریں بیگواھیانی بگیری ءَ زھرشانی برجاہ اَنت، ھزارانی کچ ءَ مردماں زھرشانی نندانکاں بھر زرتگ بلے پارلیمانی ٹولیاں پہ یک دمانے ءَ ھم بھر نہ زرتگ۔ مرچی آیانی لھتیں ووٹ گار اِنت دگاں درکپتگ ءُ زھرشانی کنگ ءَ اَنت۔
ماما کدیر گوشتگ کہ بلوچ راج یکجاہ بہ بیت ءُ پہ زوریں بیگواھی ءِ بگیری ءَ توار چست بہ کنت، مرچی زور بیگواھیں مردمانی کھولاں مئے ھمتوار بوگ درکار اِنت۔
