کرتوم: سوڈان ءِ بنجاھی شھر کرتوم ءَ لشکر ءِ دو ٹولیانی میان ءَ میڑ ءَ لشکری کارمنداں ھوار 97 مردم مرتگ۔ جھانی رسانکدر ءِ رد ءَ سوڈان ءِ لشکر ءِ دوئیں ٹولیانی میان ءَ میڑ ءَ چہ مرتگیں مردماں 3 یو این کارکن، 30 لشکری کارمند ءُ 64 لّس شھری اَنت، اے میڑ ءَ 365 مردم ٹپی بیتگ۔ جنگ انگت ءَ برجاہ اِنت۔
سوڈان ءِ ( پیرا ملٹری پورس) لشکر ءِ سروک مھمد ھمدان دگالو ءِ گوشگ اِنت کہ کرتوم ءِ گیشتریں جاہ مئے لشکر ءَ دستیگ کرتگ اَنت۔ وھدے کہ ڈیھ ءِ لشکری سروک اَبدالپتاہ البرھان ءَ دگالو ءِ گپ رد کرتگ اَنت ءُ گوشتگ کہ انگت ءَ سرکاری جاگہ لشکر ءِ دست ءَ اَنت۔
بنشون: جھانی رسانکدر| اکس: دامگ
