شال: بیگواھیں بلوچانی توار ( وی بی ایم پی ) ءِ کارگشاد سمی دین ءَ ماں چاگردی رسانکدر ایکس ءَ نبشتگ کہ زور بیگواھیں مردمانی بندیگجاہ ءَ کشگ ءُ آیاں گوں مچ ویل ءَ ھمگرنچ کنگ مردمی ھکانی گنتریں لپاشگ اِنت۔
آئی ءَ گوشتگ کہ بشیر اھمد ء ھاجی ھان ءُ ارمان ء نھال ھان آیان ءَ پاری 2 جون 2023 ءَ پاکستانی لشکر ءَ آوار جتگ ءُ گوں وت برتگ ءُ بیگواہ کرتگ اَنت، کھول مئے نندانک ءَ ساڑی بوتگ اَنت۔ ھمے وڑ ءَ سرکار وت ءَ ءُ لّس مردماں رد دیگ ءَ اِنت، بلے بلوچستان ءِ جھمنند تئی زوراکیاں شریں وڑے ءَ سرپد اَنت۔
سمی دین ءَ گوشتگ کہ چہ پنچ لاشاں چار لاش کھولاں پجہ آوارتگ اَنت، یک مردمے ءِ جان ءِ درسیں آزاہ کشگ بوتگ اَنت کہ اے زوراکی ءِ گُڈی ھد اِنت۔
آئی ءَ گوشتگ کہ شمئے اے وڑیں بے سریں پندل آس ءِ تہ ءَ تیل شانگ ءِ درور اِنت، پمیشکا ھوش ءَ سر ءَ کن ءُ مردمی ھکانی بگیریانی درچ ءَ بند کن۔
