شال ءَ چہ بولان میڈیکل کالج ءِ ھاسٹل ءَ زور بیگواھیں نودربر ھدیجہ پیرجان ءِ زوریں بیگواھیءِ بگیری ءَ بی ایم سی ءَ آئی کھولءِ نیمگ ءَ زھرشانی نندانک سیزدہ روچ اِنت کہ برجاہ اِنت۔
نودربراں ھوار آدگہ مردم پہ ھمدردی درشان کنگءَ زھرشانی نندانک ءَ پیداک اَنت۔
ھدیجہ بلوچ ءِ کھول ءِ گوشگ اِنت کہ مئے زھگ درکانودی بے میار ءَ آوار جنگ بوتگ۔ اگاں آئی سر ءَ چونیں ھم بھتامے ھست گڑا آمیدگس ءَ پیش کنگ بہ بیت۔ چونیں ھم مردمےءِ درکانودی آوار جنگ انسانی ھکانی بگیری اِنت۔
کھول ءِ گوشگ اِنت دانکہ ھدیجہ بلوچ آجو نہ بیت مئے زھرشانی نندانک برجاہ بیت۔
آئی ءَ گوں بلوچ ءُ انسانی ھکانی ادارھاں لوٹ کرتگ کہ پہ ھدیجہ بلوچ ءِ آجوئی ءَ اے پر ایمنیں جھد ءَ مئے ھمراھداری ءَ بہ کن اِت۔
بنشون: اھوالکار اکس: رسانکدر
