وائس پار بلوچ مسنگ پرسنز ءَ وتی درشانے ءَ گوشتگ کہ زور بیگواھیں مھمد سدیک ءِ کھول ءَ رھوت کرتگ ءُ آئی کیس گل ءِ کِر ءَ یاداشت کرتگ ءُ گوشتگ کہ مھمد سدیک ء شیر مھمد ءَ شپ ءِ دوازدہ ءَ چہ شال ءِ ھند کلی اسماھیل ءَ گس ءَ سی ٹی ڈی ءُ چیریں ادارھاں کھول ءِ دیم ءَ آوار جتگ ءُ بیگواہ کرتگ۔
کھول ءَ گوشتگ کہ گوں انتزامیہ ءَ یکشل ءَ رھوت کرتگ بلے آ مھمد سدیک ءِ دزگیری ءِ سوب ءَ گوشگ ءَ نہ اِنت ءُ نہ آئی سلامتی ءِ بابت ءَ سرپدی دیگ ءَ اِنت۔ چہ ایشی ءَ کھول جنجال اِنت۔
آئی ءَ گوشتگ کہ گل ءَ کھول دلجمی داتگ پہ مھمد سدیک ءِ کیس ءَ آئین ءُ کانود ءِ رد ءَ سرکار ءَ سر کن این ءُ پہ آئی آجوئی ءَ ھمک جاہ ءَ توار چست کن ایں۔
وی بی ایم پی ءَ گوشتگ کہ مھمد سدیک ءِ درکانودی آوارجنی ءُ بیگواہ کنگ، کھول ءَ ھال نہ دیگ ڈیھ ءِ کانود ءُ شھریانی ھکانی بگیری اِنت۔ ما ایشی ایر جن این ءُ چہ سرکار ءَ لوٹ کن ایں کہ مھمد سدیک زوت آجو کنگ بہ بیت۔ اگاں آئی سر ءَ چونیں ھم بھتامے ھست دیم ءَ آرگ ءُ آمیدگس ءَ پیش کنگ بہ بیت۔
بنشون: درشان اکس: وی بی ایم پی
