بلوچ یکجھتی کمیٹی ءَ وتی درشان ءَ شیھک رھیم ءِ زوریں بیگواھی ءَ پد کوش ایر جتگ ءُ گوشتگ کہ شیھک رھیم ء رھیم بکش ءِ امر ھژدہ سال اِنت ءُ نودربرے۔ 31 مارچ 2026 ءِ بیگاہ ءِ چار ءَ چہ تربت ءِ مزنیں بازار ءَ آوار جنگ بوتگ ءُ شش روچ ءَ پد 5 اپریل 2026 ءَ آئی لاش پَسِنی دگ ءَ بانک چڑائی ءَ دزکپتگ۔
آئی ءَ گوشتگ کہ اے ویل تھنا یک کوشے نہ اِنت، بلکیں بلوچستان ءَ زوریں بیگواھی ءُ درکانودی کوشانی برجاھیں درچ اِنت۔ ھاس ورنا ءُ نودربر نشانگ کنگ بوگ ءَ اَنت۔
بی وائی سی ءَ اے زوراکی ایر جتگ ءُ گوشتگ کہ اے ویل ءِ بابت ءَ زوت گوں دلجمی ءَ پٹ ءُ پول کنگ بہ بیت ءُ زمہ وار کانود ءِ رد ءَ جست گرگ بہ بنت۔
آئی ءَ گوں میان استمانی گلاں لوٹ کرتگ کہ بلوچستان ءِ جاورانی سر ءَ دلگوش بہ دے اَنت ءُ پہ انساپ ءَ وتی کرد ءَ پیلو بہ کن اَنت۔
بنشون: درشان اکس: بی وائی سی
