وائس پار بلوچ مسنگ پرسنز ( وی بی ایم پی ) ءَ وتی درشانے ءَ یھیا بلوچ، ابدالاھد بلوچ ءُ مھسن بلوچ ءِ زوریں بیگواھی ایر جتگ ءُ آیانی آجوئی ءِ لوٹ کرتگ۔
آئی ءِ گوشگ اِنت کہ سے ئیں مردم یھیا بلوچ ء یاسین، ابدالاھد بلوچ ء ملا نزر ءُ مھسن بلوچ ء مسلم ھمے سالءِ 16 مارچ ءَ پوج ءَ چہ پنجگور ءِ ھند پروم، جیرک دوراھی ءَ آوار جتگءُ بیگواہ کرتگ اَنت۔
آئی ءَ گوشتگ کہ سے ئیں مردم پروم ءِ میتگ سلیمان بازار ءِ جاہ منند اَنت۔ یھیا ءُ مھسن ڈرائیور اَنت ءُ ابدالاھد زمینداری کنت۔
وی بی ایم پی ءَ لوٹ کرتگ کہ اے سئیں ورنا دیمءَ آرگ بہ بنت، اگاں آیانی سر ءَ چونیں بھتامے ھست گڑا آمیدگس ءَ پیش کنگ بہ بنت۔
بنشون: درشان اکس: اھوالکار
