تربت: چہ بھمن ءُ ڈنک ءَ زورگریں پاکستانی لشکر ءِ دست ءَ زور بیگواہ کنگ بیتگیں مردمانی کھولاں وتی آزیزانی یل نہ کنگ ءِ بگیری ءَ جدگال ڈن ءَ زھرشانی ءَ دگ بند کرتگ۔ زھرشانی ءَ زور بیگواھیں نئیم بشیر، اسمائیل ءُ نومان رپیک ءِ کھول ءَ ھوار سیاسی ءُ چارگردی کارکناں بازیں کچے ءَ بھر زرتگ۔
آیانی گوشگ اِنت کہ چہ ایشی پیش ھم ما زھرشانی کرتگ مارا انتزامیہ ءَ دروگیں دلبڈی داتگ کہ شمئے مردم زوت یل کنگ بنت ما وتی زھرشانی ھلاس کرتگ۔ پیسری دمگدار ءَ پہ اےسے ئیں ورنایانی آجوئی ءَ باز رند ءَ کول کرتگ بلے پد ءَ آئی وتی زبان وارتگ ءُ مئے مردم یل نہ کرتگ اَنت۔ ما اے رمزان ءِ ماہ ءَ لاچار بوتگیں کہ زھرشانی بہ کن ایں۔
آیاں گوشتگ دانکہ مئے مردم آجو کنگ نہ بیتگ اَنت ماوتی زھرشانی نندانک ءَ برجاہ ادار ایں۔
