سند: پاکستانی لشکر ءِ جوڑ کرتگیں چیریں ادارھانی کارمند دو سندی سیاسی کارکن آوار جتگ ءُ بیگواہ کرتگ۔
زور بیگواہ کنگ بوتگیں ورنایانی نام امیر جمالی ءُ ارشاد نوھانی اِنت۔ امیر جمالی سند سبھا ءِ کارکنے چیریں ادارھانی کارمنداں چہ دادو ءَ آوار جتگ ءُ بیگواہ کرتگ۔ ارشاد نوھانی چہ سیھون ءَ آوار جنگ بوتگ۔
اے دوئیں ورنایانی زوریں بیگواھی ءِ گپ وائس پار مسنگ پرسن آپ سند ءِ سروک سورٹھ لوھار ءَ راست کرتگ ءُ ایشانی زوریں بیگواھی ءِ بگیری ءَ باند ءَ زھرشانی کنگ ءِ جار جتگ۔
