جھانی انسانی ھکانی گل ایمنسٹی انٹرنیشنل ءَ بی وائی سی ءِ کار کن بیبرگ بلوچ ءِ یل کنگ ءِ لوٹ کرتگ۔
ایمنسٹی انٹرنیشنلءِ ردءَ بیبرگ زھری ءِ درکانودی آوار جنی ءَ سالے سرجم بوتگ۔ آئی کھول پہ آئی نادراھی ءُ یکشلیں درکانوی بندیگیءَ جنجال اِنت ءُ آئی آجوئی ءِ لوٹ ءَ کنگ ءَ اَنت۔
گلءَ گوں سرکار ءَ لوٹ کرتگ کہ بیبرگ زھریءُ آدگہ بلوچ سیاسی کارکن زوت یل کنگ بہ بنت۔
بیبرگ بلوچ 20 مارچ 2025 ءَ سی ٹی ڈی ءَ چہ گس ءَ آوار جتگ ءُ بیگواہ کرتگ اَت۔ پد ءَ پولیس ءِ دست ءَ داتگ کہ انگت بندیگ اِنت۔
ایمنسٹی انٹرنیشنل ءَ چہ ایشی پیش پہ بی وائی سی ءِ سروک ءُ کارکنانی بندیگی ءِ سالے سرجم بوگ ءِ سر ءَ بژن درشان کرتگ اَت ءُ پہ ڈاکٹرماہ رنگ بلوچ، بیبو بلوچ ءُ گلزادی بلوچ ءِ یل کنگ ءَ لوٹ کرتگ اَت۔
بنشون: درشان اکس: ایمنسٹی انٹر نیشنل
