بلوچ آجوئی لوٹوکیں سروک رھیم بلوچ ایڈوکیٹ ءَ وتی درشانے ءَ گوشتگ کہ کابل ءَ نشہ آماچیں مردمانی الاج ءِ بنجاہ ءَ پاکستان ءِ نیمگ ءَ بالی ارش ءَ کم چہ کم چارسد شھریانی بیرانی ءُ دو سد ءُ پنجاہ ءَ گیش مردمانی ٹپی بوگ ءَ بژنیگ آن ءُ ایشی ایر جن آں۔ اے وڑیں گامگیج میان استمانی انسانی ھکانی کانود ءِ رد ءَ جنگی میارباری یے زانگ بیت۔
آئی ءَ گوشتگ کہ اے وڑیں زوراکی ھچ وڑ ءَ منگ نہ بیت، اے وڑیں رویشتانی اوپار کنگ پہ انسانیت ءَ ٹوھیں ترسے ودی کنت۔
بلوچ سروک ءَ گوشتگ کہ یک انچیں میان استمانی نزامے درکار اِنت کہ آ آئین، انسانی شرپ، انساپ ءُ درسیں راجانی وتکواکی ءُ آجوئی ءِ شرپ ءَ بہ کنت۔ آئی ءَ تہ ءَ مزن کسانی ءِ پرک مہ بیت۔
آئی ءَ گوشتگ کہ من گوں اوگانستان ءِ پرسیگیں کھولانی گون ءَ ھمدردی درشان کن آں۔
بنشون: درشان. اکس: دامگ
