بلوچ نیشنل موومنٹ( بی این ایم) ءِ انسانی ھکانی ادارہ پانک ءَ تربت ءِ ھند گوگدان ءَ الی پکیر سنگھور ءِ گس ءَ پاکستانی پوج ءِ بیڑ برگ گوں ترندیں دانکاں ایر جتگ۔
آئی ءَ گوشتگ کہ پاکستانی پوج گساں پہ زور پرتگ ءُ سامان پروشتگ اَنت ءُ مردم بیھار داتگ ءُ آزار داتگ اَنت۔
پانک ءَ گوشتگ کہ بیڑ برگ ءِ میان ءَ سرجمیں کھول ترسینگ بوتگ، زالبول بیھار دیگ ءُ آزار دیگ بوتگ اَنت۔اے وڑیں گامگیج نہ تھنا انسانی شرپ ءِ بگیری اِنت بلکیں کانود ءُ آئین ءِ بگیری اِنت کہ آ زالبولانی گون ءَ زوراکی ءُ مچی سزا ءِ موکل ءَ نہ دنت۔
آئی ءَ گوشتگ کہ پانک اے ویل ءَ دراجکشیں درچ ءِ بھر لیک ایت چہ ایشی ءَ شھری ءُ کھول زوراکیانی دیمپان کنگ بوگ ءَ اَنت۔
بنشون: درشان. اکس: پانک
