بلوچستان لبریشن پرنٹ ( بی ایل ایپ ) ءِ جارکش میجر گھرام بلوچ ءَ وتی درشان ءَ گوشتگ کہ بی ایل ایپ ءِ سرمچاراں 2 مارچ 2026 ءَ یک کاروائی یے ءَ پسنی ءِ ھند شادی کئور ءَ دژمن ءِ بنجل نشانگ کرتگ۔اے کاروائی ءَ ایل ایم جی، راکٹ ءُ آدگہ سلاہ کارمرز کرتگ اَنت ءُ سرمچاراں بنجل ءِ سر ءَ چہ جتائیں نیمگاں ارش کرتگ۔ اے کاروائی ءِ آسر ءَ دو کارمند جاھی مرتگ ءُ باز ٹپی بوتگ، بنجل ءَ تاوان بوتگ۔
آئی ءَ گوشتگ کہ دگہ یک کاروائی یے ءَ بی ایل ایپ ءِ سرمچاراں یک مارچ 2026 ءَ کوھلو ءِ ھند لونڈ نوشم ءَ پوج ءِ مزنیں بنجل ءِ سر ءَ ارش کرتگ۔سرمچاراں شوربندی ءِ پارست ءَ بنجل چہ چاریں نیمگاں انگر کرتگ راکٹ لانچر ءُ گوں وتکاریں سلاھاں نشانگ کرتگ۔ ارش ءِ میان ءَ آس داتگیں راکٹ ءِ گولا بنجل ءِ تہ ءَ تچک ءَ وتی نشانگ ءَ کپتگ اَنت، ایشی آسر ءَ پوج ءَ جانی ءُ مالی تاوان بوتگ۔
درشان ءِ گڈی ءَ میجر گھرام بلوچ ءَ ارشانی زمہ واری منّ اتگ۔
بنشون: درشان. اکس: زرمبش
