وائس پار بلوچ مسنگ پرسن (وی بی ایم پی) ءَ وتی درشان ءَ گوشتگ اویس ، بکتیار ءُ بلال ءِ کھول ءَ گوں گل ءَ رھوت کتگ ءُ آیانی بیگواھی ءِ بابت ءَ ھال داتگ۔
کھول ءِ گوشگ اِنت پاکستانی پوج ءَ مرچی سھور ءِ وھد ءَ پَنجگُور ءِ ھند ھدابادان ءَ بیڑ برتگ ءُ اویس ء مھمد یار ، بکتیار ءُ بلال ء ھاجی مھمد درکانودی آوار جتگ ءُ بیگواہ کتگ اَنت۔
کھول ءِ گوشگ اِنت آیانی بابت ءَ ھچ سرپدی دیگ ءَ نہ اَنت کہ آ چون ءُ کج ءَ اَنت۔
آئی ءَ گوشتگ کہ وی بی ایم پی اویس، بکتیار ءُ بلال ءِ درکانودی آوارجنی ءُ آیانی زوریں بیگواھی ءَ شھریانی بنکی ھکانی لگتمالی لیک اِیت ءُ ایر جنت، چہ سرکار ءَ لوٹ کن ایں کہ آ پہ اے سے ئیں بیگواھیں ورنایانی آجوئی ءَ دلجمی بہ دنت ءُ اگاں آیانی سر ءَ چونیں بھتام ھست گڑا دیم ءَ آرگ ءُ آمیدگس ءَ پیش کنگ بہ بنت۔
بنشون: درشان اکس: وی بی ایم
