بلوچ نیشنل موومنٹ ( بی این ایم ) ءِ چیئرمین ڈاکٹر نسیم بلوچ ءَ اوگانستان ءَ پاکستان ءِ ارشانی درگت ءَ ماں چاگردی رسانکدر ایکس ءَ وتی پوسٹے ءَ نبشتگ کہ رمزان ءِ پاکیں ماہ ءَ پاکستان ءِ نیمگ ءَ اوگانستان سرڈگار ءَ بوتگیں برزی ارشانی ھال ءَ بژنیگ ایں۔ اے اُرشاں لس شھری بزاں زھگ ءُ زالبولانی ھم بیرانی ءِ ھال اِنت، کہ اے میان استمانی ھکانی لگتمالی، وت واکیں ءُ ھمساھیگیں ڈیھانی گوں ءَ نزیکی ءُ راھبندانی بگیری اِنت۔
آئی ءَ گوشتگ کہ رمزان پہ مسلماناں آبادت، سبر ءُ رھمت ءِ ماہ اِنت۔ اے وڑیں وھداں چونیں ھم چہ پوجی کاروائیاں بے میاریں مردمانی جان تاوان منّگ نہ بیت۔ پہ شھریانی پھریزگ ءَ دلجمی دیگی اِنت۔
بی این ایم ءِ چیئرمین ءَ گوشتگ کہ ما ھمے لوٹ ءَ کن ایں کہ اے ویل ءِ بابت ءَ پٹ ءُ پول کنگ بہ بیت ءُ ایشی زمہ وار جست گرگ بہ بنت۔ گوں ایشی ھوار اوگانستان ءِ وتواکی ءُ پہ سیمسرانی شرپ ءَ دلجمی دیگ بہ بیت۔ انچوش کہ اکوام متھدہ ءِ راھبند ءُ میان استمانی کانود ءِ رد ءَ اَنت۔
ڈاکٹر نسیم بلوچ ءَ گوشتگ کہ بے میاریں جانی تاوان ءِ دارگ ءُ دمگ ءِ ایمنی درسیں بھرگانی ھواریں زمہ واری اِنت۔
بنشون: درشان. اکس: رسانکدر
