بلوچستان لبریشن پرنٹ ( بی ایل ایپ ) ءِ جارکش میجر گھرام بلوچ ءَ وتی درشانءَ گوشتگ کہ بی ایل ایپ ءِ سرمچاراں 19 پروری ءَ پسنی ءِ ھند کلانچ، ڈوکی ءَ زورگریں پوجءِ چوکی ءِ سر ءَ گوں مزنیں سلاھاں ارش کرتگ، ایشی آسر ءَ دژمن ءَ جانی ءُ مالی تاوان بوتگ۔
آئی ءَ گوشتگ کہ دگہ یک کاروائی یے ءَ 18 پروری ءَ بی ایل ایپ ءِ سرمچاراں جاؤ ءِ ھند زیرکانی ءَ سنگر گپتگ ءُ پوجءِ کاروان ءِ سر ءَ گوں مزنیں سلاھاں ارش کرتگ۔ اے ارش ھما وھد ءَ کرتگ کہ زورگریں پوج چہ ڈولیجی ءِ بنجل ءَ درکپتگ ءُ پہ لشکرکشی ءَ کورک ءَ روگ ءَ بوتگ۔ اے ارش ءَ دژمنیں پوج ءِ دو کارمند مرتگ ءُ آدگراں وتی گاڑی یل کرتگ ءُ جستگ اَنت۔ اے ارش ءَ زد ءَ آتکگیں کاروانءِ کمک ءَ اتکگیں آدگہ کارمند بی ایل ایپ ءِ اسنائپر ٹولیءَ نشانگ کرتگ اَنت ایشی آسر ءَ دو کارمند جاھی مرتگ۔ اے کاروائی ءَ سرجم ءَ چار کارمند مرتگءُ باز ٹپی بوتگ،چہ ایشی ءَ پد دژمن ءِ کارمند واتر بوتگ اَنت۔
جارکش ءَ گوشتگ کہ ھمے روچ ءَ 18 پروری ءَ سرمچاراں واشک، رکشان ءِ ھند پتک ءَ سی پیک دگ بستگ ءُ داں سے اداراں گاڑی پٹ ءُ پول کرتگ اَنت۔ ھمے پٹ ءُ پول ءِ میان ءَ سرمچاراں زورگریں پوج ءِ تر ءُ گرد چارتگ اَنت ءُ شکی ئیں سرگرمیانی سر ءَ دلگوش گور کرتگ۔ اے کاروائی ءِ مول ھمے ھند ءَ دژمنیں پوج ءُ آئی کمکارانی دارگ ءُ پوج ءُ چاریگانی دزگیری ءُ نشانگ کنگ بوتگ۔
میجر گھرام بلوچ ءَ درشان ءِ گڈیءَ درسیں کاروائیانی زمہ واری من اتگ۔
بنشون: درشان اکس: زرمبش
