سوئی: وتگڑیں پاکستانی لشکر سی ٹی ڈی ءُ چیریں ادارھانی کارمنداں جتائیں جاھاں بیڑ برتگ ءُ نوہ ءَ گیش ورنا آوار جتگ۔
اھوالکار ءِ رد ءَ پاکستانی لشکر ءَ زپرکالونی ءَ بیڑ برتگ جی ٹی اے ءِ دمگی سرکماش ءُ جمھوری وتن پارٹی ءِ کارکن ماسٹر گوس بکش ء میران بگٹی زور بیگواہ کرتگ۔
ھمے وڑ ءَ سی ٹی ڈی ءَ سوئی ءِ بازار ءَ موسا ھوٹل ءَ بیڑ برتگ ءُ رھیم داد ء ھاجی بگٹی ءُ رھیم داد ء سوالی بگٹی آوارجتگ ءُ گوں وتگ برتگ اَنت۔
بنشون ءِ رد ءَ سوئی ءِ جھکڑا موڑ ءَ چیریں ادارھانی کارمنداں گسے ءَ بیڑ برتگ ءُ اتا اللہ ء گوبر بگٹی آوار جتگ ءُ بیگواہ کرتگ۔
سوئی ءِ شازین پمپ ءَ زورگریں پاکستانی لشکر ءَ سے مردم آوار جتگ ءُ بیگواہ کرتگ، آ انگت ءَ پجارگ نہ بوتگ اَنت۔
ھمے وڑ ءَ سوئی پیلڈ ءِ پینس ءَ پیسل ء ھنیپ بگٹی ءُ شاہ ھسین ء شاہ گل بگٹی سی ٹی ڈی ءِ کارمنداں آوار جتگ ءُ بیگواہ کرتگ اَنت۔
