کیچ ءُ شال ءَ دو جتائیں تیرگواری ویلاں دو مردم بیران بوتگ۔
بنشون ءِ رد ءَ مرچی سھب ءِ ھشت ءُ نیم ءَ کیچ ءِ ھند کلاتک ءَ کیچ کور ءِ نزیک ءَ پجار نہ بوتگیں سلاہ بندیں مردماں تیرگواری کرتگ ءُ ابدلھاپز ء ملا مھمد کشتگ کہ آ کلات، ڈبک ءِ جاہ منند اِنت۔ آئی لاش پہ ھژدری چار ءُ ٹپاس ءَ نادراھجاہ ءَ برگ بوتگ۔
ھمے وڑ ءَ شال ءَ پجار نہ بوتگیں سلاہ بندیں مردماں تیرگواری کرتگ ءُ سھیل شمبے زھی کشتگ۔ آ مکبول شمبے زھی ءِ برات اِنت ءُ پَنجگُور ءِ ھند پروم ءِ جاہ منند اِنت۔
بنشون: رسانکدر اکس: دامگ
