کیپ: یوکرین ءِ مھتر ولادیمیر زیلنسکی ءَ امریکا ءِ اے لوٹ کہ چہ ڈیھ ءَ درکپ رد کُرتگ ءُ گْوشتگ کہ ما پہ وتی ڈیھ ءِ پھریزگ ءَ جنگ کنگ ءَ ایں،مارا پہ روس ءِ ٹینکانی تباہ کنگ ءَ گولا پکار اِنت ءُ چہ ڈیھ ءَ درکپگ ءَ سواری نہ لوٹاں من داں گُڈی دم ءَ وتی ڈیھ ءِ پھریزگ ءَ ساڑی باں۔ ایشی ءَ پیش یوکرین ءِ مھتر ءَ یک تامُربندے ءَ گْوشتگ اَت کہ روس ءِ نشانگ مناں ءُ بوت کنت کہ دیمتر ءَ من زندگ مہ باں بلے من ءُ منی سرکار ءِ باسک کیپ ءَ ساڑی بہ ایں ءُ روس ءِ دیم ءَ سلاھاں چگل نہ دیں۔
بنشون: جھانی رسانکدر /اکس: دامگ
