شال ءَ پہ بیگواھیں مردمانی آجوئی ءَ وائس پار بلوچ مسنگ پرسن ءِ زھرشانی گدان ءَ شال پریس کلب ءِ دیم ءَ 6068 روچ سرجم بوتگ۔
وی بی ایم پی ءِ گوشگ اِنت کہ پنجگور ءِ جاہ منندیں نودربر زاکر نور ءِ کھول ءَ گوں وی وی بی ایم پی ءِ چیئرمین نسر اللہ بلوچ ءَ گوشتگ کہ زاکر نور ءَ 29 ءُ 30 دسمبر 2025 ءِ میانی شپ ءَ چہ کراچی ءَ پاکستانی پوجءَ آوار جتگ ءُ بیگواہ کرتگ۔
کھول ءِ گوشگ اِنت ما گوں کراچی ءِ انتزامیہءَ رھوت کرتگ بلے ماراآئی ِ بابت ءَ ھچ گوشگ ءَ نہ اَنت ءُ نہ آئی سلامتی ءِ بابت ءَمارا سرپدی دیگ ءَ اَنت۔ چہ ایشی ءَ مئے سرجمیں کھول سکا پریشان اِنت۔
نسر اللہ بلوچ ءَ زاکر نور ءِ برات دلجمی داتگءُ گوشتگ کہ آئی براتءِ کیس ءَ چہ گل ءِ نیمگءَ پہ زور بیگواھیں مردماں جوڑ بوتگیں کمیشن ءُ سرکار ءَ دے این ءُ کانود ءِ رد ءَ پہ آئی سلامتی آجوئیءَ ھمک جاہ ءَ توار چست کن ایں۔
آئی ءَ گوں سرکار ءَ لوٹ کرتگ کہ نسر اللہ بلوچ ءِ سر ءَ چونیں ھم بھتامے ھست گڑا کانودی ھک دیگ بہ بیت ءُ بے میار اِنت گڑا پہ آئی آجوئیءَ وتی کرد ءَ پیلو بہ کن اِت ءُ آئی کھول ءَ چہ اے رنجاں بہ کش اِت۔
بنشون؛ درشان اکس: وی بی ایم پی
