گْوادر ءِ ھند جیونی ءَ دوشی پاکستانی پوج ءَ نوربکش کلمتی ءِ گس ڈیرینتگ اَنت۔
زرمبش جھگیر ءِ رد ءَ جیونی ءِ میتگ پانوان ءَ پاکستانی پوج ءَ دوشی دوازدہ ءَ گوں لوڈر ءَ نوربکش کلمتی ءِ گسانی پروشگ بندات کرتگ ءُ داں شپ ءِ سے ءَ گس ڈیرینتگ اَنت۔
ھندی بنشون ءِ رد ءَ چہ ایشی ءَ پیش پاکستانی پوج ءَ نوربکش کلمتی ءِ برات سوبی تارک 11 ءُ 12 مئی 2025 ءِ میانی شپ ءَ چہ جیونی ءَ آوار جتگ ءُ بیگواہ کرتگ کہ دومی روچ ءَ آئی تیرسپتگیں لاش چہ پلیری ءَ دزکپتگ۔
چہ اے زوراکیاں پیش ھم اے کھول مدام ریاستی زوراکیانی آماچ بوتگ۔
بنشون: زرمبش جھگیر. اکس: اھوالکار
