شال: بلوچ چکچینی ءُ زور بیگواھی ءِ بگیری ءَ شال ءَ شاھوانی اسٹیڈیم ءَ بلوچ یکجھتی کمیٹی ءِ نیمگ ءَ برجم دارگ بوتگی مُچی ءَ پہ زور بیگواھیں مردمانی کیسانی یاداشت کنگ ءَ گدانے جنگ بوتگ۔
اے ءَ گدان ءَ ریاستی زوراکیانی آماچ بوتگیں باز کھولاں وتی زور بیگواھیں مردم ءُ درکانودی ناھکیں کوش ءِ کیس یاد داشت کرتگ اَنت۔ برجاھیں مچی ءَ سدانی کچ ءَ کیس یاداشت کنگ بوتگ
آیاں گوں سانمدیں کھولاں لوٹ کرتگ کہ وتی درسیں آزیزانی کیساں یاداشت بہ کن اِت ھما کہ ریاست ءِ زوراکیانی آماچ بوتگ اَنت۔
