آواران ءِ ھند جاؤ ءَ پاکستانی پوج ءِ نیمگ ءَ زوراکی یکشل ءَ برجاہ اِنت، پوج ءَ دگہ ورنایے آوار جتگ ءُ بیگواہ کرتگ۔
زرمبش جھگیر ءِ رد ءَ پاکستانی پوج ءَ مرچی شپ ءَ جاؤ ءِ میتگ کوٹو ءَ بیڑ برتگ ءُ واھد بلوچ ء مھمد کریم آوار جتگ ءُ بیگواہ کرتگ۔
ھندی بنشون ءِ رد ءَ پوج کوٹو ءُ کُر ءُ کشانی میتگاں بیڑ برگ ءُ زوراکی کنگ ءَ اِنت، بیگواھیں مردمانی کچ باز بنت، بلے انوں تھنا واھد بلوچ ءِ نام زانگ بوتگ۔
دوشی ھم پاکستانی پوج ءَ چہ کوٹو ءَ دو ورنا وھید بلوچ ء مولابکش ءُ سئید بلوچ ء لال بکش آوار جتگ ءُ بیگواہ کرتگ اَنت۔
اے بابت ءَ مئے گیشیں جست ءُ پرس برجاہ اِنت۔
بنشون: زرمبش جھگیر. اکس: زرمبش جھگیر