بلوچ نیشنل مومنٹ ءِ بنجاھی پتر ءِ باسک ءُ لبزانکار ھنیپ بلوچ ءَ ماں وتی شنگ کُرتگیں درشانے ءَ بلوچ راج ءُ زْرمبش ءِ سنگت مراد باتی داتگ اَنت ءُ گْوشتگ کہ زْرمبش ٹی وی پہ بلوچ راج ءَ ٹوھیں مستاگے۔
آئی ءَ گْوشتگ کہ زْرمبش ءُ بی این ایم ءِ اگدھدار ءُ باسکانی بازیں جُھد ءُ جپاکشیاں مرچی زْرمبش اے جاہ ءَ سر بیتگ کہ بلوچ راج ءِ توار ءَ ٹی وی ءِ دْروشُم ءَ پہ بلوچ راج ءُ جھان ءَ سرکنگ ءَ سوبین بیتگ۔
آئی ءَ گْوشتگ کہ اے سپر ءَ بلوچ لبزانکار ءُ راجدارانی سکین ءُ شرگداری ھم پہ سنگتاں دلبڈی بیتگ اَنت، ھرکس ءَ یک نہ یک دْروشُمے ءَ وتی بھر ھوار گیتکگ ءُ ما ھمے اوست ءَ داریں کہ دیمتر ءَ ھم زانوگر ءُ کواس ھمے دْروشُم ءَ گوں زْرمبش ءِ سنگتاں ھمکوپگ بنت ءُ اے جُھد ءَ گیش دیم ءَ برگ ءَ وتی جُھد ءَ ھوار گیج اَنت۔
