بلوچ نیشنل موومنٹ ( بی این ایم ) ءِ انسانی ھکانی ادارہ پانک ءَ وتی شنگ کرتگیں درشانے ءَ چہ گوادر ءِ ھند پسنی ءَ 23 جنوری 2026 ءِ شپ ءَ دوازدہ ءَ پاکستانی پوج ءَ گس ءَ بیڑ برگ ءُ دو برات بالاچ یوسپ ءُ بیبرگ یوسپ ءِ زوریں بیگواھی ایر جتگ۔
آئی ءَ گوشتگ کہ ھندی مردم ءُ کھول ءِ رد ءَ پاکستانی پوج ءُ کشندہ ٹولی ءِ کارمنداں ھواری ءَ بیڑ برتگ ءُ ھمے میان ءَ دوئیں برات آوار جتگ ءُ بیگواہ کرتگ اَنت۔
پانک ءِ رد ءَ بیست ءُ نُھ سالی ئیں بالاچ یوسپ میرین سائنس یونیورسٹی اوتل ءَ گریجویٹ کرتگ ، آئی کستریں برات بیست ءُ پنچ سالی ئیں بیبرگ یوسپ نودربرے۔ چہ آوارجنی ءَ پد آیانی ھچ وڑیں ھال نیست۔چہ ایشی ءَ کھول سسائی جنجالانی دیمپان اِنت۔
