بلوچ نیشنل موومنٹ ( بی این ایم ) ءِ چیئرمین ڈاکٹر نسیم بلوچ ءَ ماں چاگردی رسانکدر ایکس ءَ پاکستان ءُ یورپ ءِ باپاری ءِ بابت ءَ یورپی یونین ءِ ٹوئیٹءِ پسّو داتگ ءُ نبشتگ کہ پاکستان ءَ وتی ھمساھگیں ڈیھان ءَ چے کہ داتگ آ درسانی دیم ءَ اَنت۔ ناشرکاری، باڑھی ناشرکار ءُ جنجال۔ کج ءَ کج ءَ کہ آئی ءَ زور رستگ اود ءَ آئیءَ مُلک دستگیر (قبضہ) کرتگ۔ بلوچستان ایشی یک تچکیں درورے۔
آئی گوشتگ کہ گوں پاکستان ءَ نزیکی ءِ گیشتر مھکم کنگ زوریں بیگواھی، مچی کوش، بلوچ مھلوک ءِ بگیری ءَ چکچینی ءِ گیش کنگ زانگ بیت۔ مرچی پاکستان ءِ پلہ مرزی کنگ گوں آئی ءَ ھمے میارباریانی شریداری ءِ ترس ءَ گیش کنت۔
ڈاکٹر نسیم بلوچ ءَ گوشتگ کہ مارا ھمے اوست اِنت کہ یورپ وتی واک، انسانی ھک، انساپ ءُ آجوئی ءِ سر ءَ اوشت ایت، میان استمانی تک ءَ پہ ناشرکاری ءِ مالی کمک کنوک بنّامیں پاکستان ریاست ءِ دیم ءَ بلوچ راجی آجوئی زرمبشت ءِ پلہ مرزی ءَ کنت۔
