شال ءَ پہ زور بیگواھیں مردمانی آجوئی ءَ وائس پار بلوچ مسنگ پرسن ءِ زھرشانی گدان ءَ شال پریس کلب ءِ دیم ءَ 6057 روچ سرجم بوتگ۔
آدینگ ءِ روچ ءَ وی بی ایم پی ءِ چیئرمین نسر اللہ بلوچ ءُ کارگشاد ھوران بلوچ گدان ءَ ساڑی بوتگ اَنت۔
وی بی ایم پی ءِ سروکاں لوٹ کرتگ کہ زوریں بیگواھی ءُ زور بیگواھیں مردمانی دروگیں میڑ ءَ درکانودی کوش سرجم ءَ بند کنگ بہ بیت، پہ درسیں بیگواھیں مردمانی زوتیں یل کنگ ءَ دلجمی دیگ بہ بیت۔
گل ءِ گوشگ اِنت کہ داں زور بیگواھیں مردمانی آجوئی ءُ انساپ ءَ اے زھرشانی یکشل ءَ برجاہ بیت، دانکہ چاگرد ءَ انسانی ھکانی پاسداری ءَ دلجمی دیگ بہ بیت ءُ کھول چہ زوریں بیگواھی ءِ آزار ءَ بہ رک اَنت۔
