بلوچ لبریشن آرمی (بی ایل اے) ءِ جارکش جیئند بلوچ ءَ وتی درشانے ءَ گوشتگ کہ سرمچاراں اورناچ ءَ زورگریں پاکستانی پوج یک اُرشے ءَ نشانگ کرتگ ءُ بلیدہ ءَ دزگیر کرتگیں چریک کشتگ۔
آئی گوشتگ کہ ھزدار ءِ ھند اورناچ ءَ پازدہ جنوری ءَ بی ایل اے ءِ سرمچاراں شھدگ ءَ زورگریں پاکستانی پوج ءِ گاڑیانی سر ءَ سنگر گپتگ ءُ اُرش کرتگ۔ زورگریں پوج ءِ یک گاڑی یے تچک ءَ اُرش ءِ زد ءَ کپتگ۔ چہ ایشی ءَ سَے کارمند جاھی مرتگ۔
بی ایل اے ءِ جارکش ءَ گوشتگ کہ سرمچاراں 25 دسمبر ءَ بلیدہ ءِ ھند گلی ءَ نوید اھمد ء ھاشم جھمنند بلیدہ گلی دزگیر کرتگ۔ نوید ھاشم جست ءُ پرس ءِ وھد ءَ من اِتگ کہ آ زورگریں پوج ءِ سوبیدار ءِ چیردستی ءَ چاریگی ءِ کار ءَ بوتگ۔
نوید ھاشم من اِتگ کہ آ دکاندار ءِ دروشم سرمچارانی تر ءُ گرد ءِ سر ءَ چم سک داتگ اَنت۔ بٹ، الندور ءُ زندان ءَ زورگریں پوج ءِ بنجلاں راشن ءُ آدگہ سامان سر کنگ ءَ ھوار پوج ءِ گوشگ ءِ پژدر ءَ بدکاریں زالبول آیانی بنجل ءَ برتگ اَنت۔
آئی گوشتگ کہ چریک نوید ھاشم ءَ من اِتگ کہ آ بلوچ ورنایانی دلسیاہ کنگ ءُ آیاں زورگریں پوج ءُ کشندہ ٹولی ءِ دست ءَ زوربیگواہ کنگ ءَ ھوار بوتگ۔ چہ ایشی ءَ زورگریں پوج ءَ آئی ءَ زر داتگ ءُ ٹوکن دیگ ءِ کول کرتگ۔
جارکش ءَ گوشتگ کہ نوید ھاشم ءِ سر ءَ راجی میاربار سر زد بوگ ءَ بلوچ راجی آمیدگس ءَ مرگ ءِ سزا داتگ کہ سرمچاراں آئی سر ءَ کار کرتگ ءُ آ تُربَت ءِ ھند پیری کھن ءَ کشتگ۔ نوید ھاشم بازیں کارمندانی نام ھم گوشتگ اَنت کہ آ زوت وتی گڈی آسر ءَ سر کنگ بنت۔
جارکش جیئند بلوچ ءَ درشان ءِ گڈی ءَ دوئیں کاروائیانی زمہ واری من اِتگ۔
