چہ ھب چوکی ءَ پاکستانی پوج ءُچیریں ادارھانی دست ءَ زور بیگواھیں زالبول پاتمہ بلوچ ءِ براس ءُ کھول ءِ آدگہ مردماں چہ لسبیلہ پریس کلب ءَ پریس کانپرنس کرتگ ءُ آئی زوتیں آجوئی ءِ لوٹ کرتگ۔
آئی براس ءِ گوشگ اِنت کہ پاتمہ بلوچ ء مھمد کاسم 13 جنوری ءَ چہ گس ءَ آوار جنگ ءُ بیگواہ کنگ بوتگ۔ انچو روچ ءِ گوزگ ءَ ابید آئی ھچ وڑیں ھال نیست۔مارا اے ھم گوشگ ءَ نہ اَنت کہ آ کجام میار ءِ بنیاد ءَ آوار جنگ بوتگ۔
کھول ءَ گوشتگ کہ پاتمہ اے وھد ءَ ھب چوکی ءَ جاہ منند بوتگ اے جاہ ءِ درسیں مردم گواہ اَنت کہ آ گوں ھچ وڑیں درکانودی کاراں ھوار نہ بوتگ، اگاں پاتمہ بلوچ ءِ سر ءَ چونیں بھتامے ھست گڑا آمیدگس ءَ پیش کنگ بہ بیت۔
آئی ءَ گوں سرکار ءَ لوٹ کرتگ کہ پہ پاتمہ بلوچ ءِ زوتیں آجوئی ءَ وتی کرد ءَ پیلو بہ کنت ءُ کھول ءَ انساپ بہ دنت۔
