کیچ: ھوشاپ ءَ زورگریں پاکستانی لشکر ءَ بیڑ برتگ دو ورنا آوار جتگ ءُ بیگواہ کرتگ۔
زور بیگواہ کنگ بوتگیں ورنایانی نام ھمل ء کادر بکش ءُ اسلم ء کریم بکش اِنت کہ دوشی شپ ءِ سے ءَ پاکستان لشکر ءُ چیریں ادارھانی کارمنداں گس ءَ بیڑ برتگ ءُ آوار جتگ اَنت۔ زور بیگواھیں ورنا ھمل ھشت تبک ءُ اسلم دہ تبک ءِ نودربرے۔
یات بہ بہ اِت کہ دوشی پاکستانی لشکر ءَ تجابان سنگاباد ءَ بیڑ برتگ ءُ بھادر چاکر نامیں ورنایے آوار جتگ ءُ بیگواہ کرتگ کہ آئی کھول ءَ زھرشانی ءَ سی پیک دگ بند کرتگ۔
