جاپر آباد: بلوچی زبان ءِ نامداریں گشندہ وھاب بگٹی ، بلال امرانی نامیں مردمے آزار داتگ۔
گشندہ وھاب بگٹی ءَ وتی آزار داتگیں اکسے چہ وتی رسانکدی تندجاہ ءَ شنگ کرتگ ءُ گوشتگ کہ پیپلز پارٹی ءِ سروک سادک امرانی ءِ زھگ بلال امرانی ءَ من ءَ وتی گس لوٹائینتگ ءُ آزار داتگ۔
آئی گوشتگ کہ من بے میار ءُ درکانودی آزار دیگ بوتگ آں۔ من گوں سرکار ءَ لوٹ کن آں کہ من ءَ انساپ بہ دنت۔ من چہ اے ویل ءَ نہ تھنا جانی آزارانی دیمپان بوتگ آں بلکیں سسائی آزارانی ھم دیمپان آں۔
چہ اے ویل ءَ پد پنکار ءُ شھری مردماں بژن درشان کرتگ ءُ ویل ءِ بابت ءَ جوانیں وڑے ءَ پٹ ءُ پول کنگ ءِ لوٹ کرتگ۔
