بلوچ نیشنل موومنٹ (بی این ایم) ءِ انسانی ھکانی ادارہ پانک ءَ ابداللہ بلوچ ء اکبال بلوچ ءِ زوریں بیگواھی ایرجتگ ءُ گوشتگ کہ 8 جنوری 2026 ءِ شپ ءَ پاکستانی پوج ءَ ابداللہ بلوچ چہ کیچ ءِ ھند مند گیاب ءَ گس ءَ آوار جتگ۔ اے وڑیں درکانودی آوار جنی انسانی ھک ءُ میان استمانی کانود ءِ بگیری اِنت۔
آئی ءَ گوشتگ کہ ابداللہ بلوچ ءِ جان سلامتی ءِ زمہ وار پاکستان سرکار اِنت۔ ما ھمے لوٹ ءَ کن ایں کہ آ زوت یل کنگ بہ بیت یا کانود ءِ رد ءَ آمیدگس ءَ پیش کنگ بہ بیت۔
پانک ءَ گوں میان استمانی انسانی ھکانی ادارھاں لوٹ کرتگ کہ آ بلوچستان ءَ یکشل ءَ برجاھیں زوریں بیگواھیانی سر ءَ گوں سنگینی ءَ دلگوش ءَ گور بہ کن اَنت۔
