بلوچستان لبریشن پرنٹ (بی ایل ایپ) ءِ جارکش میجر گھرام بلوچ ءَ وتی شنگ کرتگیں درشانے ءَ گوشتگ کہ بی ایل ایپ ءِ سرمچاراں سے جنوری ءَ جاؤ ءِ ھند کوٹو، کوٹوری ءَ سنگر گپتگ ءُ پاکستانی پوج ءِ کاروان ءِ دو گاڑی گوں ٹوھیں سلاھاں نشانگ کرتگ۔ چہ ایشی ءَ زورگریں پوج ءِ ھپت کارمند مرتگ ءُ شش سکا ٹپی بوتگ۔ دوئیں گاڑی تباہ بوتگ اَنت۔
آئی گوشتگ کہ پاکستانی پوج ءِ کاروان ءَ باز گاڑی بوتگ اَنت۔ اُرش ءَ پد زورگریں پوج ءَ چو مدامی وڑ ءَ نزیکیں گساں بیڑ برتگ ءُ گوں مردم زوراکی کرتگ ءُ ترسینتگ اَنت۔ کاروائی ءَ پد سرمچار پہ سلامتی درکپتگ ءُ وتی بندراں شتگ اَنت۔
جارکش ءَ گوشتگ کہ یک دگہ کاروائی یے ءَ سرمچاراں سے جنوری ءِ بیگاہ ءِ ادار شش ءَ گل ءِ چیریں بھرگ ءِ ھال دیگ ءِ پژدر ءَ جیونی ءِ ھند پانوان ءَ زورگریں پاکستانی پوج ءِ ایم آئی ءِ کارمندانی بگیری ءَ کاروائی کرتگ ءُ دو کارمند نشانگ کرتگ ءُ جاھی کشتگ اَنت۔ آیانی سلاہ ھم دستیگ کرتگ اَنت۔
میجر گھرام بلوچ ءَ جاؤ ءُ جیونی اُرشانی زمہ واری من اِتگ ءُ گوشتگ کہ اے کول ءَ کن ایں کہ داں بلوچستان ءِ آجوئی ءَ زورگریں پوج ءِ سر ءَ مئے اُرش برجاہ بنت۔
