جھانی وبا کورونا وائرس ءَ آماچیں مردمانی 17 کروڑ 64 لک ءَ گیش اِنت،وھدےکہ 38 لک 10 ھزار مردم بیران بیتگ۔
سرجمیں جھان ءَ چہ کورونا وائرس ءَ جاندارہ بیتگیں مردمانی کچ 16 کروڑ 3 لک ءَ گیش اَنت۔
امریکہ ءَ چہ کورونا ءَ بیران بیتگیں مردمانی کچ 6 اک 14 ھزار 955 ءَ سربیتگ ءُ 3 کروڑ 43 لک 15 ھزار ءَ گیش مردم وائرس ءِ آماچ اَنت۔
ھندوستان ءَ کورونا ءَ آماچیں مردمانی کچ 2 کروڑ 94 لک 24 ھزار ءَ گیش اِنت ءُ 3 لک 70 ھزار 168 مردم بیران بیتگ۔
برازیل ءَ کورونا ءَ آماچیں مردمانی کچ یک کروڑ 73 لک 76 ھزار ءَ گیش اِنت ءُ 4 لک 86 ھزار ءَ گیش مردم بیران بیتگ۔
پرانس ءَ 57 لک 37 ھزار 810 مردم کورونا ءِ آماچ اَنت ءُ یک لک 10 ھزار 407 مردم بیران بیتگ۔ ترکی ءَ 53 لک 25 ھزار ءَ گیش مردم کورونا ءِ آماچ اَنت ءُ 48 ھزار 668 مردم بیران بیتگ۔
روس ءَ51 لک 93 ھزار ءَ گیش مردم کورونا وائرس ءِ آماچ اَنت ءُ یک لک 26 ھزار 73 ءِ مردم بیران بیتگ۔ برتانیا ءَ 45 لک 58 ھزار ءَ گیش مردم کورونا ءِ آماچ اَنت ءُ یک لک 27 ھزار 896 مردم بیران بیتگ۔ کورونا وائرس ءِ اولی نادراہ 17 نومبر 2019 ءَ دیم ءَ اتکگ اَت،ایشی ءَ پد 27 جون 2020 ءَ نادراھانی کچ یکشلہ یک کروڑے ءَ سربیتگ اَت۔
سرجمیں جھان ءَ کورونا وائرس ءِ بندات ءِ پنچ کروڑ نادراہ 356 روچانی تہ ءَ دیم ءَ اتکگ اَنت ءُ گُڈی پنچیں کروڑ نادراہ بس ھشتاد ءُ نوہ روچ ءِ تہ ءَ دیم ءَ اَتکگ اَنت۔ 24 نومبر ءَ کورونا ءِ نادراھانی کچ شش کروڑ ءَ سربیتگ اَنت،10 دسمبر 2020 ءَ داں ھپت کروڑ ءَ سر بوت اَنت، 9 جنوری ءَ نادراھانی کچ چہ 9کروڑ ءَ گْوستگ اَت ءُ 25 جنوری ءَ نادراھانی کچ 10 ءَ گیش بیتگ اَت۔
کورونا وائرس:سرجمیں جھان ءَ 17 کروڑ 64 لک مردم ءَ گیش کورونا وائرس ءِ آماچ اَنت
کورونا وائرس:سرجمیں جھان ءَ 17 کروڑ 64 لک مردم ءَ گیش کورونا وائرس ءِ آماچ اَنت
