بلوچ نیشنل موومنٹ ( بی این ایم ) ءِ انسانی ھکانی ادارہ پانک ءَ ساجد اھمد ءُ دانش ءِ زوریں بیگواھی ءِ سر ءَ بژن درشان کرتگ ءُ گوشتگ کہ ساجد اھمد تربت، شاھی تمپ ءِ جاہ منند اِنت کہ 30 نومبر 2025 ءَ چہ پَنجگُور ءَ سی پیک دگ ءَ پاکستانی پوج ءَ آوار جتگ۔ چہ آئی آوار جنگ ءَ پد آئی ھچ وڑیں ھال نیست کھول سکا جنجال اِنت۔
آئی ءَ گوشتگ دانش بلوچ ء نیک بھت آئی امر بیست ءُ چار سال اِنت ایپ ایس سی ءِ نودربرے ءُ کیچ شھرک ءِ جاہ منند اِنت۔ 27 اکتوبر 2025 ءَ چہ تربت شھید پدا اھمد چاراہ ءَ سی ٹی ڈی ءُ چیریں ادارھانی کارمنداں آوار جتگ۔ پہ دانش ءِ بابت ءَ آئی کھول ءَ ھچ وڑیں سرپدی دیگ نہ بوتگ۔
